रौतूं का घारमा तीनि भै जन्म लेकी एैन
जल थल नभ सेना मा तीनि भर्ती व्हेेन
पहला भैन बिछाई सागर कू ढिसाणू
दूजा भैजीं लगाई बारूद कू सिराणू
तीजा भैजी ओढ़ी सैरू आगास
अटकेली खिलंादु छो वु अपड़ा जहाज
देब भूमि मा स्यू जन्म लेकी एैन
जल थल नभ सेना मा तीनि भर्ती व्हेेन
मैना चार बटि लगी छै सीमा पर घनाघोर लड़ाई
अपड़ी फौज लेकी स्यून बैरियू पर कैरि चढ़ाई
बिधातन तीन्यू भायूकू भाग्य एक ही कागज में लेखी
मातृ भूमि की रक्षा कैई स्यून अपड़ी ज्यान देकी
बीरू की धरती मा जन्म लेकी स्यू ऐन
जल थल नभ सेना मा तीनि भर्ती व्हेेन
रक्षा बन्धन कू छौ वे दिन त्यौहार
शहीद बणी की एैन जैदिन स्यू घार
पिटै लगाणू कू पहला भैजि कू माथा नि बच्यू राई
राखी बन्धणू दूजा तीजा भैजी की कलाई नि छाई
हिंवाळी काँट्यू मा स्यू जन्म लेकी एैन
जल थल नभ सेना मा स्यू भर्ती व्हेेन
खुशी का आँसू छलकणा छा पट्रटी अर गौैह््का
अमर व्हेन जू आज वु होला नौना कै मोह्का
सलामी देणी छै स्यू तै तीनि सेनो की तोप
जुग-जुग तक याद राली तै माँ की कोख
Garhwali poem garhwali kavita Garhwali poem garhwali kavita Garhwali poem garhwali kavita
No comments:
Post a Comment